Çimərlik futbolu üzrə Azərbaycan millisi bu gün dünya çempionatının seçmə mərhələsi çərçivəsində növbəti oyununu keçirib.
Arena.az xəbər verir ki, millimiz İspaniyanın Kadis şəhərində Gürcüstan yığması ilə qarşılaşıb.
Görüş komandamızın 7:2 hesablı qələbəsi ilə yekunlaşıb. Millimizin heyətində Elşad Manafov dubla imza atıb. Digər qolları isə Sabiq Allahquliyev, Ramil Əliyev, Amid Nəzərov, Kamran Qürbətov və Bayram Bayramlı vurublar.
Qeyd edək ki, A qrupunda yer alan Azərbaycan millisi daha əvvəl İngiltərədən güclü olub – 4:0. Oktyabrın 7-də (saat 20:00) isə millimizi İspaniya yığması ilə qarşılaşma gözləyir.
