Çimərlik futbolu üzrə Azərbaycan millisi Bakıda təşkil edilmiş təlim-məşq toplanışı çərçivəsində ilk yoxlama görüşünü keçirib.
Arena.az xəbər verir ki, millimiz Belarus yığması ilə qarşılaşıb.
Su İdmanı Sarayının çimərlik futbolu meydançasında baş tutan qarşılaşmada rəqib 4:2 hesablı qələbə qazanıb. Komandamızın heyətində qolları Ramil Əliyev və İsa Zeynallı vurublar.
Komandalar bu gün daha bir yoxlama görüşündə üz-üzə gələcəklər. Eyni məkanda təşkil olunacaq qarşılaşma saat 18:00-da başlayacaq.
Qeyd edək ki, avqustun 1-dən yeni baş məşqçisi Sahib Məmmədovun rəhbərliyi altında təlim-məşq toplanışına başlayan Azərbaycan millisi avqustun 31-nə qədər Bakıda hazırlıq keçəcək.
