Çimərlik futbolu üzrə Azərbaycan yığmasının 2025-ci ildə keçiriləcək dünya çempionatının seçmə mərhələsindəki rəqibləri məlum olub.
Arena.az xəbər verir ki, millimiz A qrupunda yarışacaq.
Komandamızın rəqibləri İspaniya, İngiltərə və Gürcüstan yığmaları olacaq. Seçmə mərhələdə bütövlükdə 24 yığma 4 vəsiqə uğrunda mübarizə aparacaq.
Qeyd edək ki, qrup oyunlarına İspaniyanın Kadis şəhəri ev sahibliyi edəcək.
Xatırladaq ki, çimərlik futbolu üzrə Azərbaycan milli komandasına Sahib Məmmədov rəhbərlik edir.
