Azərbaycanın cüdo üzrə gənclərdən ibarət millisi İspaniyanın Malaqa şəhərində keçiriləcək Avropa Kubokunda iştirak edəcək.
Arena.az xəbər verir ki, bu barədə Azərbaycan Cüdo Federasiyasının mətbuat xidməti məlumat yayıb.
Xəbərdə bildirilir ki, ölkəmiz yarışda oğlanlar arasında 7 çəki dərəsində 14 cüdoçu ilə təmsil olunacaq. Daha sonra cüdoçularımız mayın 20-22-də Malaqada təşkil olunacaq beynəlxalq təlim-məşq toplanışına qatılacaqlar.
Cüdoçulara gənclərdən ibarət millinin baş məşqçisi Elxan Məmmədov və məşqçi Elxan Rəcəbli rəhbərlik edəcəklər.
Avropa Kuboku mayın 18-19-da keçiriləcək. Turnirdə 21 ölkədən 351 idmançı iştirak edəcək.
60 kq
Əli Hacıyev
Murad Muradlı
66 kq
Mehdi Cəfərov
İslam Rəhimov
Məhəmməd Musayev
73 kq
Aydın Rzayev
Əbil Yusubov
81 kq
Süleyman Şükürov
Əli Hacızadə
90 kq
Davud Namazlı
Tuncay Şamil
100 kq
Əjdər Bağırov
+100 kq
Kənan Nəsibov
İlkin Baxşəliyev
