Futbol üzrə Azərbaycan Premyer Liqasında yaranmış fasilədən istifadə edən “Neftçi” və “Keşlə” komandaları bu gün yoxlama oyununda üz-üzə gəliblər.
Arena.az xəbər verir ki, qarşılaşma “Neftçi”yə məxsus “Türk Hava Yolları Futbol Mərkəzi”nda baş tutub.
Matç “ağ-qaralar”ın 4:0 hesablı qələbəsi ilə yekunlaşıb. “Neftçi”nin qollarını 28-ci dəqiqədə Yusuf Laval, 47 və 76-cı dəqiqələrdə Roman Maçado, 52-ci dəqiqədə isə Xəyal Nəcəfov vurub.
Son ölkə çempionu noyabrın 20-də Azərbaycan Premyer Liqasının 11-ci turunda “Sabah”ı qəbul edəcək. “Keşlə” isə noyabrın 19-da “Qarabağ”ın qonağı olacaq.
Premyer Liqada bu mövsüm geridə qalan 10 turda 17 xal toplamış “ağ-qaralar” 3-cü, 10 xalı olan “Keşlə” isə 6-cı pillədə qərarlaşıb.
Yoxlama oyunu
13 noyabr
Neftçi – Keşlə 4:0
Qollar: Yusuf Laval, 28. Roman Maçado, 47; 76. Xəyal Nəcəfov, 52.
