“Portu” Portuqaliya Super Kubokunun finalında “Torrense”yə 1:0 hesabı ilə qalib gələrək tarixində 25-ci dəfə bu mükafata sahib olub.
Arena.az xəbərverir ki, sözügedən komandalar ötən gecə Koimbradakı “Syudad de Koimbra” stadionunda üz-üzə gəliblər.
Görüşdə yeganə qolu 39-cu dəqiqədə Viktor Frokholdt vurub. Danimarkalı yarımmüdafiəçi Pepe Aquinonun dəqiq ötürməsindən sonra baş zərbəsi ilə hesabı açıb.
“Torrense” ikinci hissədə xüsusilə əks-hücumlarla təhlükə yaradıb, lakin “Portu”nun qapıçısı Dioqo Kosta bir neçə mühüm seyv edib. Müdafiədə Yakub Kivyor inamlı oyunu ilə diqqət çəkib və matçın ən yaxşı futbolçusu seçilib.
Beləliklə, Fransisko Fariolinin komandası yeni mövsümə titul qazanmaqla başlayıb. “Torrense” isə kubok finalındakı qələbədən sonra Super Kubokda da sürpriz etməyə yaxın olsa da, minimal hesabla məğlub olub.
