Futbol üzrə Azərbaycan Premyer Liqasında 2021/22 mövsümünün bombardiri bəlli olub. Arena.az xəbər verir ki, bu mükafata “Qarabağ”ın futbolçusu Kadi Borges Malinovski yiyələnib.
Braziliyalı legioner mövsümdə 12-ci qolunu son turda vurub. Bununla da Azərbaycan çempionatları tarixində 7-ci dəfə “Qarabağ”ın üzvü bombardir adına yiyələnib.
Cari mövsümün son oyunu olan “Qarabağ” – “Neftçi” qarşılaşması başa çatandan sonra keçirilən mükafatlandırma mərasimində Kadi Borges Malinovskiyə xüsusi hədiyyə təqdim edilib.
Qeyd edək ki, Kadi Borges Azərbaycan çempionatları tarixində Reynaldo Silvadan sonra 2-ci braziliyalı bombardirdir.
Azərbaycan Premyer Liqasında 2021/22 mövsümünün bombardirləri siyahısında “Qarabağ”ın daha iki futbolçusu yer alıb. Ağdam klubunun yarımmüdafiəçisi Filip Ozobiç və hücumçusu İbrahima Vadji də 11 qol vurub. “Sabah”ın legioneri Coy-Lens Mikels, həmçinin “Zirə”nin gürcü futbolçusu Davit Volkov da bu mövsümü 11 qolla başa vurub. “Neftçi”nin braziliyalı hücumçusu Tyaqo Bezerra isə 10 qola imza atıb.
Sonda indiyəqədərki çempionatların bütün bombardirlərinin siyahısını təqdim edirik:
| MÖVSÜM | FUTBOLÇU | KLUB | QOL |
| 1992 | Nazim Əliyev | “Xəzər” | 39 |
| 1993 | Samir Ələkbərov | “Neftçi” | 16 |
| 1993/94 | Musa Qurbanov | “Turan” | 35 |
| 1994/95 | Nazim Əliyev | “Neftçi” | 26 |
| 1995/96 | Rövşən Əhmədov | “Kəpəz” | 23 |
| Fazil Pərvərov | “Kəpəz” | 23 | |
| 1996/97 | Qurban Qurbanov | “Neftçi” | 34 |
| 1997/98 | Nazim Əliyev | “Dinamo” | 23 |
| 1998/99 | Alay Bəhramov | “Viləş” | 24 |
| 1999/00 | Badri Kvaratsxeliya | “Şəmkir” | 16 |
| 2000/01 | Paşa Əliyev | “Dinamo-Bakılı” | 13 |
| 2003/04 | Samir Musayev | “Qarabağ” | 20 |
| 2004/05 | Zaur Ramazanov | “Karvan” | 21 |
| 2005/06 | Yakuba Bamba | “Karvan” | 16 |
| 2006/07 | Zaur Ramazanov | “Xəzər-Lənkəran” | 20 |
| 2007/08 | Xaqani Məmmədov | ”İnter” | 19 |
| 2008/09 | Valter Quqlemon | “İnter” | 17 |
| 2009/10 | Fərid Quliyev | “Standard” | 16 |
| 2010/11 | Georgi Adamiya | “Qarabağ” | 18 |
| 2011/12 | Bahodir Nasimov | “Neftçi” | 16 |
| 2012/13 | Nikolas Kanales | “Neftçi” | 26 |
| 2013/14 | Reynaldo Silva | “Qarabağ” | 22 |
| 2014/15 | Nurlan Novruzov | “Bakı” | 15 |
| 2015/16 | Dani Kintana | “Qarabağ” | 15 |
| 2016/17 | Filip Ozobiç | “Qəbələ” | 11 |
| Rauf Əliyev | “İnter” | 11 | |
| 2017/18 | Baqali Dabo | “Qəbələ” | 13 |
| 2018/19 | Mahir Mədətov | “Qarabağ” | 16 |
| 2019/20 | Baqali Dabo | “Neftçi” | 7 |
| Mahir Mədətov | “Qarabağ” | 7 | |
| Stiven Monroz | “Neftçi” | 7 | |
| Peyman Babayi | “Sumqayıt” | 7 | |
| 2020/21 | Namiq Ələsgərov | “Neftçi” | 19 |
| 2021/22 | Kadi Borqes | “Qarabağ” | 12 |
