Futbol üzrə Azərbaycan millisinin hücumçusu Renat Dadaşov İsveçrənin “Qrasshopper” komandasında növbəti matçına çıxıb. Arena.az xəbər verir ki, futbolçumuzun komandası İsveçrə çempionatının yeni – 2023/2024 mövsümünün ilk turu çərçivəsində “Servett”lə qarşılaşıb.
“Qrasshopper” bu rəqiblə doğma meydanda üz-üzə gəlib. Futbolçumuzun komandası meydanı məğlubiyyətlə tərk edib – 1:3.
Renat Dadaşov bu görüşə start heyətdə başlayıb və 58-ci dəqiqədə əvəzlənib. Millimizin forvardı yeni mövsümün ilk rəsmi matçında fərqlənə bilməyib.
