Azərbaycanlı futbolçu Ayaz Quliyev Rusiyanın “Ximki” komandasında növbəti matçına çıxıb. Arena.az xəbər verir ki, o, Rusiya Premyer Liqasının 17-ci turu çərçivəsində baş tutan “Soçi” ilə qarşılaşmanın iştirakçısı olub.
“Ximki” bu rəqiblə doğma meydanda qarşılaşıb. Futbolçumuzun komandası bu oyundan məğlubiyyətlə ayrılıb – 0:2.
Ayaz Quliyev start heyətdə meydana çıxıb və 80-ci dəqiqədə əvəzlənib.
“Ximki”nin digər azərbaycanlı futbolçusu İlya Sadıqov da “Soçi” ilə görüşün iştirakçısı olub. O, 80-ci dəqiqədə meydana buraxılıb.
“Ximki” 17 turdan sonra 12 xalla 16 kollektiv arasında 15-ci pillədə qərarlaşıb.
