19 yaşadək futbolçulardan ibarət Azərbaycan millisi (U-19) bu gün Avropa çempionatının seçmə mərhələsinin ilk raunduna start verəcək.
Arena.az xəbər verir ki, B Liqasının 6-cı qrupunda yer almış millimiz ilk görüşünü meydan sahibi Litva yığmasına qarşı keçirəcək.
Kaunasdakı “Raudondvario” stadionunda təşkil ediləcək oyuna Bakı vaxtı ilə saat 20:00-da start veriləcək. Qarşılaşmanı Moldova və Ukraynadan olan hakimlər briqadası idarə edəcək.
Xatırladaq ki, U-19 millimiz növbəti görüşünü martın 28-də Şimali İrlandiya yığmasına qarşı keçirəcək.
Avropa çempionatının seçmə mərhələsi
B Liqası, 6-cı qrup
24 mart
20:00. Litva – Azərbaycan
Baş hakim: Yon Orliç (Moldova).
Baş hakimin köməkçiləri: Anatolie Basiul (Moldova), Semen Şlonçak (Ukrayna).
Dördüncü hakim: Viktor Kopiyevski (Ukrayna).
Kaunas, “Raudondvario” stadionu.
