UEFA “Həmrəylik ödəmələri və uşaq futbolunun inkişafı” proqramı çərçivəsində Azərbaycan Premyer Liqasının 9 klubuna ödəniş edib.
Arena.az xəbər verir ki, bu barədə AFFA-nın mətbuat xidməti məlumat yayıb.
Xəbərdə bildirilir ki, bu ödəniş yalnız son ölkə çempionu “Qarabağ”a şamil edilməyib. Məsələ burasındadır ki, Ağdam klubu onsuz da qitəmiqyaslı yarışlarda iştirak etdiyi üçün UEFA-dan fərqli gəlirlər əldə edir.
2022/2023 mövsümü üçün ayrılmış 1 milyon 955 min avro maliyyə vəsaiti AFFA-nın vasitəçiliyi ilə klubların hesabına köçürülüb.
