“Real”ın ulduz hücumçusu Vinisius Junior “Fənərbaxça”nın yarımmüdafiəçisi Arda Gülərin “Kral klubu”na transferinə münasibət bildirib.
Arena.az Vinisius Juniorun sosial şəbəkələrdən birində yazdığı qısa fikri diqqətinizə çatdırır:
“Dünyanın ən böyük klubunu seçən daha bir oyunçu”, “Vini” yazıb.
Xatırladaq ki, “Real” 18 yaşlı Gülərlə 6 illik (2029-cu ilin 30 iyununa qədər) müqavilə imzalayıb.
Arda Gülər “Gənclərbirliyi”nin yetirməsidir. O, 2014-2019-cu illərdə burada çıxış edib, daha sonra “Fənərbaxça”ya keçib. Gülər İstanbul təmsilçisinin heyətində ümumilikdə 51 oyuna çıxıb, 9 qol vurub, 12 məhsuldar ötürmə verib. Gənc futbolçu Türkiyə yığmasında ötən ilin noyabrında debüt edib. O, millidə 4 oyuna çıxaraq, 1 qol vurub.
“Transfermarkt” internet-portalı Arda Güləri 15 milyon avro məbləğində qiymətləndirir.
Vurğulayaq ki, Türkiyə mətbuatında Gülər “türk Messi” təxəllüsü ilə təqdim edilir.
