Xorvatiya millisinin kapitanı Luka Modriç UEFA Millətlər Liqasının qrup mərhələsində Çexiya ilə oyunda yubiley qoluna imza atıb.
Arena.az xəbər verir ki, Praqadakı “Fortuna Arena”da keçirilən qarşılaşmada Xorvatiya millisi Çexiyanı 2:1 hesabı ilə məğlub edib.
41 yaşlı yarımmüdafiəçi görüşün ikinci hissəsinin əvvəlində fərqlənərək Xorvatiya millisində qollarının sayını 30-a çatdırıb. Luka Modriç yığmanın heyətində indiyədək 203 matç keçirib. O, Xorvatiya millisində 2006-cı ilin martından çıxış edir.
Qeyd edək ki, Xorvatiya növbəti oyununu sentyabrın 29-da səfərdə İspaniyaya qarşı keçirəcək.
Yeri gəlmişkən, Xorvatiya millisinin hücumçusu Marko Paşaliç Çexiya üzərində qələbədən sonra Modriçin çıxışını yüksək qiymətləndirib:
“Lukanın ilk qolu möhtəşəm idi! Onun adına çox sevindim. O, yaşın sadəcə rəqəm olduğunu sübut edir. Meydanda hələ də oyunların taleyini həll etməyə qadirdir və əsl əfsanədir”, – deyə Paşaliç UEFA-nın rəsmi saytına açıqlamasında bildirib.
