Bu gün AFFA İntizam Komitəsinin növbəti iclası keçirilib, İkinci Liqanın 11-ci turunun oyunları ilə bağlı bəzi qərarlar qəbul edilib.
Arena.az AFFA-nın rəsmi saytına istinadən həmin qərarlarla sizi də tanış edir:
İkinci Liqa, 11-ci tur
“Ağstafa Gəncləri” – “Araz Saatlı” oyununda “Ağstafa Gəncləri”nin 4 futbolçusu sarı vərəqə aldığı üçün Ağstafa komandası 70 manat cərimə edilib.
“Şəki” – “Quba” oyununda “Quba”da 4 nəfər sarı vərəqə aldığı üçün sözügedən klub 70 manat cərimə edilib. Bu oyunun 74-cü dəqiqəsində “Şəki”nin futbolçusu Saleh Süleymanov təcavüzkar davranışa görə birbaşa qırmızı vərəqə aldığı üçün 3 oyunluq cəza alıb. “Şəki” buna görə 300 manat cərimə ödəyəcək.
“Ağdaş” – “Göygöl” oyununda “Göygöl”ün 6 futbolçusu sarı vərəqə aldığı üçün sözügedən komanda 70 manat cərimə edilib.
