Fransanın “Trua” klubunun gənc mərkəz müdafiəçisi Sanxun Diavara bundan sonra İtaliya nəhəngi “Milan”ın uğurları üçün çalışacaq.
Arena.az bu barədə “Milan”ın rəsmi saytına istinadən xəbər verir.
A Seriyası təmsilçisi 20 yaşlı mərkəz müdafiəçisi üçün Fransa klubuna 2 milyon avro təzminat ödəyib. Gənc futbolçu ilə 2031-ci ilin 30 iyun tarixinə kimi nəzərdə tutulmuş 5 illik müqavilə imzalanıb.
Qeyd edək ki, Sanxun Diavara “Trua”nın yetirməsidir. O, sözügedən klubun əsas komandasının heyətində meydana çıxdığı 18 oyunda 1 qol vurub, 1 məhsuldar ötürmə verib.
Fransanın U-19 millisinin formasını geyinmiş Diavaraya sonralar gənclərdən ibarət yığmada debüt etmək qismət olmayıb.
“Transfermarkt” internet-portalı 20 yaşlı müdafiəçinin transfer dəyərini 2 milyon avro məbləğində qiymətləndirir.
