17 yaşadək futbolçulardan ibarət Azərbaycan millisi (U-17) Avropa çempionatının (AÇ-2027) seçmə mərhələsində növbəti oyununu keçirib.
Arena.az xəbər verir ki, birinci seçmə mərhələnin 2-ci qrupunda mübarizə aparan yığmamız 3-cü turda Litvanın U-17 komandası ilə qarşılaşıb.
Almaniyada təşkil edilmiş görüş 1:1 hesabı ilə başa çatıb. Hesabı 1-ci hissənin sonlarına yaxın Litva millisi açıb. Azərbaycan yığması isə 65-ci dəqiqədə Rəsul Balakişiyevin qolu ilə hesabı bərabərləşdirib.
Xatırladaq ki, yığmamız bundan əvvəl Almaniyaya 0:7, Şimali İrlandiyaya isə 0:4 hesabı ilə məğlub olmuşdu.
Beləliklə, Azərbaycan millisi 3 oyundan sonra aktivinə 1 xal yazdırıb və qrup sonuncusu olub.
AÇ-2027-nin seçmə mərhələsi
2-ci qrup
17 noyabr
Azərbaycan – Litva 1:1
Xal durumu:
- Almaniya – 9 xal
- Litva – 4
- Şimali İrlandiya – 3
- Azərbaycan – 1


