Xavi: “Bu, məşqçi kimi mənim üçün şok idi”

Niderland millisinin baş məşqçisi Xavi Ernandes Almaniyaya qarşı keçirdikləri UEFA Millətlər Liqasının 6-cı tur oyunundakı ağır məğlubiyyəti şərh edib.

Arena.az xəbər verir ki, Berlin Olimpiya Stadionunda keçirilən qarşılaşma Niderland millisinin 0:5 hesablı məğlubiyyəti ilə başa çatıb.

Xavi oyundan sonra komandasının nümayiş etdirdiyi futboldan narazı qaldığını bildirib:

“Azarkeşlərdən üzr istəmək istəyirəm. Bu, məşqçi kimi mənim üçün şok idi. Biz futbol oynamadıq. Bizdə mübarizə ruhu yox idi. Bunu başa düşə bilmirəm. Cümə günü Yunanıstana qarşı tarixi oyun keçirdik və hər şey əla alındı. İndi isə bunun tam əksi oldu”.

Qeyd edək ki, 0:5 hesablı məğlubiyyət Niderland millisinin 1959-cu ildən bəri ən ağır yenilgisidir. “Narıncılar” 1959-cu ildə məhz Almaniyaya 0:7 hesabı ilə uduzublar.

Maraqlıdır ki, Niderland Almaniya ilə görüşdən cəmi üç gün əvvəl Yunanıstanı 7:0 hesabı ilə məğlub etmişdi.

Buna baxmayaraq, Niderland Millətlər Liqasının qrup mərhələsini ikinci pillədə başa vuraraq turnirin 1/4 final mərhələsinə yüksəlib.

Xəbəri paylaş:
Bizi sosial şəbəkələrdə izləyin: