ABL: “Sabah” “Gəncə”ni məğlub etdi

Bu gün Azərbaycan Basketbol Liqasında (ABL) 2026/2027-ci illər mövsümünün 2-ci turundan təxirə salınmış bir oyun keçirilib.

Arena.az xəbər verir ki, günün yeganə qarşılaşmasında “Sabah” və “Gəncə” komandaları üz-üzə gəliblər.

Bakı İdman Sarayında təşkil edilmiş görüş “Sabah”ın inamlı qələbəsi ilə başa çatıb – 107:85. İlk hissədən sonra hesab bərabər olsa da, “Sabah” üçüncü periodda rəqibindən 13 xal üstün olub və yekunda böyük hesablı qələbə qazanıb.

Azərbaycan Basketbol Liqası
2-ci turdan təxirə salınmış oyun

21 noyabr

“Sabah” – “Gəncə” 107:85 (23:23, 34:25, 31:18, 19:19)

Qalib komandanın heyətində ən məhsuldar oyunçu Nikolas Perkins olub. O, 30 xal toplayıb.

Qeyd edək ki, turun daha əvvəl keçirilmiş oyunlarında “Sumqayıt” “Naxçıvan”a 76:87, “Neftçi” “Ordu”ya 83:79, “Landau Lions” isə NTD-yə 102:68 hesabı ilə qalib gəlib.

Bu nəticədən sonra “Sabah” 7 oyundan 6 qələbə ilə 13 xal toplayaraq ABL-in turnir cədvəlinə başçılıq edir:

  1. “Sabah” – 13
  2. “Naxçıvan” – 11
  3. “Neftçi” – 11
  4. “Sumqayıt” – 10
  5. “Landau Lions” – 9
  6. “Gəncə” – 9
  7. “Ordu” – 8
  8. NTD – 7
Xəbəri paylaş:
Bizi sosial şəbəkələrdə izləyin: