“Neftçi” heyətini yeni futbolçu ilə gücləndirib. Arena.az xəbər verir ki, Azərbaycan çempionu Fransanın “Havr” klubunun yarımmüdafiəçisi Romen Baskı transfer edib.
Bu barədə klubun mətbuat xidməti məlumat yayıb. 26 yaşlı futbolçu ilə 2 illik müqavilə imzalanıb. Fransız yarımmüdafiəçi yeni komandasında “14” nömrəli formanı geyinəcək.
Qeyd edək ki, Bask, peşəkar karyerasına ölkəsinin “Keviyi Ruan” klubunda başlayıb. O, 2018-ci ildən “Havr”da çıxış edir. “Neftçi”nin yeni transferi geridə qalan mövsümdə bu komandanın heyətində Liqa 2 çərçivəsində 35 matça çıxıb və 3 qola imza atıb.
“Neftçi” bundan əvvəl yarımmüdafiəçilər – Sezar Meza Kolli, Harramiz Suares və Xəyal Nəcəfovu transfer etmişdi.
