Türkiyədə təlim-məşq toplanışında olan “Sabah” bu gün hazırlıq çərçivəsində sonuncu yoxlama matçına çıxıb. Arena.az xəbər verir ki, Murad Musayevin çalışdırdığı kollektiv Antalyadakı son sınağında Serbiyanın “Mladost” (Luçani) komandası ilə üz-üzə gəlib.
Musayev bu görüşdə aşağıdakı start heyəti meydana buraxıb: 1. Səlahət Ağayev, 2. Amin Seydiyev, 34. Bəxtiyar Həsənalızadə, 7. Nikolay Boçko, 14. Slavik Alxasov, 4. Elvin Camalov, 17. Xuan Kamara, 10. Aleksey İsayev, 20. Coy-Lens Mikels, 29. Ceyhun Nuriyev, 9. Xulio Rodriqes.
Oyunda hesabı Azərbaycan təmsilçisi açıb. Coy-Lens Mikels komandasını hesabda önə keçirib. Lakin serbiyalılar sonda məğlubiyyətdən xilas ola biliblər. Beləcə, “Sabah” üçüncü sınağından da 1:1 hesablı heç-heçə ilə ayrılıb.
Xatırladaq ki, bu komanda Türkiyədəki əvvəlki iki sınaq matçında Macarıstanın “Pakş” və Ukraynanın “Zarya” komandaları ilə də 1:1 hesablı heç-heçə etmişdi.
Yoxlama oyunu
25 yanvar
Sabah – Mladost 1:1
