Azərbaycanlı hücumçu Renat Dadaşov Portuqaliyanın “Tondela” komandasında növbəti matçına çıxıb. Arena.az xəbər verir ki, o, Portuqaliya çempionatının 32-ci turu çərçivəsində “Pasuş de Ferreyra” ilə görüşün iştirakçısı olub.
Futbolçumuzun komandası bu rəqiblə səfərdə qarşılaşıb. Tərəflər meydanı hərəyə 1 qol və 1 xalla tərk ediblər. Renat bu görüşün 84-cü dəqiqəsində meydana buraxılıb.
“Tondela” 32 turdan sonra 27 xalla 18 kollektiv arasında 16-cı pillədə qərarlaşıb.
Qeyd edək ki, müqavilə ilə İngiltərənin “Vulverhempton” klubuna məxsus olan Renat Dadaşov, “Tondela”da icarə əsasında forma geyinir.
