Futbol üzrə Braziliya milli komandasının və İngiltərənin “Mançester Yunayted” klubunun vingeri Antoni cəsarətli addımı ilə diqqət çəkib.
Arena.az məlumat verir ki, futbolçu onu cinsi və fiziki zorakılıqda ittiham edən qadınlardan biri, İnqrid Lana ilə sosial şəbəkədəki söhbətlərinin ekran çəkimlərini paylaşıb.
Antoninin özünün də izah etdiyi kimi, o, bu ittihamlarla bağlı hadisəni işıqlandırmaq üçün müvafiq addımı atıb:
“Mən bunu etməməyi üstün tutardım, amma İnqridlə söhbətlərin kiçik bir hissəsini dərc etmək məcburiyyətindəyəm. Bu sübut edir ki, bizim bir görüşümüz olub və bu, razılıq əsasında olub. Bu fırıldaqçı ilə hər şey məhkəmədə həll ediləcək”, – futbolçu sosial şəbəkələrdə yazıb.
Antoninin İnqrid Lana ilə dialoqu
- Bu, səndən asılıdır, məhəbbətim mənim. O, sadəcə məni burada qoydu.
- Eyb etməz, onunla danış və birlikdə gedək. Hahaha.
- Əgər istəsən, mən səni burada, yataqda çılpaq gözləyəcəyəm, LOL.
- Bu, dadlı ola bilər, hahaha. Mən indi enmişəm.
- Tanrıya əmanət, mən tezliklə hava limanına gedəcəyəm. Mən səninlə görüşmək istəyirdim. Bil ki, bütün bunlar sekslə bağlı deyil. Sən mənim nurumsan, tanrı səni qorusun. Mənə elə gəlir ki, bu, təkcə maddi deyil, əsasən mənəvi bərəkətimizin bir çoxunun hələ başlanğıcıdır. Biz bu dünyadan heç nə götürmürük. Geridə qoyduqlarımız isə – bu, bizim mirasımız və xatirələrimizdir. Səni öpürəm, istənilən gün görüşərik.
- Əsəbiləşmə. Mən bunu görəndə gözlərim yaşla dolur. Mən sənə heç vaxt zərər verməzdim. Sən mənə etibar etmirsən?
- Bu, etimad məsələsi deyil, mən sadəcə olaraq ekran çəkimlərini çəkməyi və onları saxlamağın düzgün olduğunu düşünmürəm. Düşünmürəm ki bu, əntiqədir, ona görə də, xahiş edirəm, hamısını sil. Mən sənə etibar edirəm, amma bunu etməyin düzgün olduğunu düşünmürəm.
- Antoni, bunların hamısını sildim. Sən hələ də mənə qəzəblisən? Mənə ancaq hər şeyi buluddan silmək qalır, amma mən bilmirəm necə. Mənimlə danış.
- Sabahın xeyir, əzizim!
- Sabahınız xeyir gözəl! İşlər necədir?
- Əla! Saç düzümümü dəyişdim.
Göründüyü kimi, dərc edilmiş çəkimlərdə dialoqun kiminlı aparıldığı görünmür, amma “qırmızı şeytanlar”ın futbolçusu Lana ilə söhbətləşdiyini iddia edir.
Daha əvvəl İnqrid Lana bildirmişdi ki, Antoni onu evinə dəvət edib və sekslə məşğul olmaq istəyərkən, futbolçuya müqavimət göstərib. Qadın iddia etmişdi ki, braziliyalı oyunçu onu itələyib, başı divara dəyib və nəticədə o, bir müddət xətəxanada tibbi yardım almalı olub.
“Mənimlə münasibət qurmağa çalışırdı, mən isə bunu istəmirdim. Mən onun dəvəti ilə evinə gələndə onun gizli niyyətlərinin olduğunu anladım”, deyə İnqrid Lana müsahibəsində bildirib.
Xatırladaq ki, daha əvvəl Antoninin keçmiş məşuqəsi Qabriela Kavallin futbolçunun ailədaxili zorakılığı barədə danışmış, onu müvafiq məsələdə ittiham etmişdi. Daha sonra braziliyalı oyunçu özü də bəyanat verərək saxta ittihamların qurbanı olduğunu bəyan edib. Bundan sonra isə sözügedən İnqrid Lana və daha bir qadın Antonini cinsi zorakılığa cəhddə ittiham etmişdi.
