“Yuventus”un baş məşqçisi Massimiliano Alleqri A Seriyasının 15-ci turunda “Napoli” üzərində qələbədən (1:0) sonra fikirlərini paylaşıb.
Arena.az xəbər verir ki, italyan mütəxəssis matçdan sonra baş tutan mətbuat konfransında bunları söyləyib:
“Bu oyunda qalib gəlmək çox vacib idi, çünki bu, bizə “Napoli”dən 12 xal önə keçməyə imkan verdi. Biz proqressiv şəkildə işləməyə davam etməliyik, çünki hələ də çoxlu texniki səhvlərə yol veririk.
Birinci hissədə uşaqlar yaxşı oynadılar, lakin çətin anlarda komanda qranit bloka çevrilir”.
Massimiliano Alleqri həmçinin “qoca sinyora”nın A Seriyasının cari mövsümündə çempionluq imkanlarını da dəyərləndirib:
“Hətta paltardəyişmə otağında deyə bilərik ki, skudettonu qazanmaq iddialarımız var, amma nəticə əldə etməliyik. Baş verə biləcək şeylər haqqında danışmağın mənası yoxdur, diqqəti olana yönəltmək lazımdır. “Napoli”yə qarşı oynadığımız kimi oynadıqca, istədiyimiz nəticələrə nail oluruq, 5-ci yerdən bir o qədər uzaqlaşır və liderlərdən geri qalmırıq. Oyunçularım təkmilləşməyə çalışırlar, çox təvazökardırlar və hədlərini bilirlər. Səhvlər üzündən başımızı itirməməyimiz artıq irəliyə doğru atılmış böyük addımdır”.
Hazırda “Yuventus” A Seriyasının turnir cədvəlində 15 turdan sonra 36 xalla müvəqqəti liderdir. Potensial lider “İnter” isə 14 turdan sonra 35 xala malikdir.
