17 yaşadək futbolçulardan ibarət Azərbaycan millisi Belarusun paytaxtı Minskdə təşkil olunan beynəlxalq turnirdə növbəti oyununu keçirib.
Arena.az xəbər verir ki, Füzuli Məmmədovun rəhbərlik etdiyi yığmamız bu turnirdəki üçüncü matçında Özbəkistanın 18 yaşadək futbolçulardan ibarət komandası ilə qarşılaşıb.
Qarşılaşma Azərbaycan futbolçuları üçün uğursuz alınıb. Yığmamız meydanı 0:2 hesablı məğlubiyyətlə tərk edib.
Millimiz bu turnirdəki ilk oyununu Belarusun U-18 komandasına qarşı keçirmiş və həmin oyunda da 0:2 hesabıyla uduzmuşdu. Rusiyanın U-17 yığmasıyla oyun isə millimizin 0:1 hesablı məğlubuyyəti ilə yekunlaşmışdı.
Turnirdə 7 və 8-ci yerlər uğrunda oyunlar fevralın 24-də keçiriləcək. U-17 millimiz digər qrupda 4-cü yeri tutan komanda ilə qarşılaşacaq.
Xatırladaq ki, Azərbaycan millisi Minskdə təşkil olunmuş turnirə bu heyətlə yollanıb:
- Xəqan Şükürov – Zirə
- Rauf Əyyubov – Sabah
- Elgün Alışov – Rot-Vays Oberhauzen (Almaniya)
- Murad Qurbanov – Zirə
- Həzrət Səmədov – Sabah
- Əlibəy Mahmudov – Sabah
- Fərid Cabbarlı – Zirə
- Hüseyn Atayev – Turan Tovuz
- Tunar Muradov – Turan Tovuz
- Nihad İsaqov – Kəpəz
- Elvin Vəliyev – Neftçi
- Vusal Kərimov – Neftçi
- Toğrul Haqverdiyev – EFA
- Həsən Məmmədli – Rot-Vays Oberhauzen (Almaniya)
- Rafael Qaziyev – Dinamovets (Rusiya)
- Nicat Nərimanov – Brommapoykarna (İsveç)
- İslam Həsənov – Srvena Zvezda (Serbiya)
- İbrahim Xəlilov – Sabah
- Murad Cabbarov – Sumqayıt
- Ümid Səlimov – Sabah
