2015-ci ildən etibarən təşkil olunmağa başlamış Avropa Oyunları 2027-ci ildə Türkiyənin İstanbul şəhərində keçiriləcək.
Arena.az “Sporx” nəşrinə istinadən xəbər verir ki, bu barədə İstanbul şəhərinin meri Əkrəm İmamoğlu mətbuat konfransında bildirib.
O, Avropa Olimpiya Komitəsinin yarışı məhz bu şəhərə verdiyini açıqlayıb.
Xatırladaq ki, Avropa Oyunları ilk dəfə 2015-ci ildə Bakıda təşkil olunub. Turnir 2019-cu ildə Belarusun paytaxtı Minskdə, ötən il isə Polşanın Krakov şəhərində gerçəkləşib.
