Fransa Liqa 1 növbəti, 2024/2025 mövsümündən etibarən istifadə ediləcək yeni loqosunu futbol ictimaiyyətinə təqdim edib.
Arena.az məlumat verir ki, Fransa milli birinciliyi Liqa 1 gələn mövsümdən “McDonald’s Liqa 1” adlanacaq.
Belə ki, “McDonald’s” artıq Fransa milli birinciliyinin rəsmən baş sponsorudur və cari ilin iyul ayının 1-dən etibarən “McDonald’s Liqa 1” adının istifadəsi rəsmən qüvvəyə minəcək.
Fransa milli birinciliyi tarixində ən çox çempion olmuş klub PSJ-dir. Paris klubu cari mövsümün də vahid lideridir və ispan mütəxəssis Luis Enrikenin rəhbərliyi altında inanmla növbəti çempionluğuna doğru addımlayır.
