AFFA “Kür-Araz”ı 200, daha iki klubu 150 manat cərimə etdi

Bu gün AFFA İntizam Komitəsinin növbəti iclası keçirilib, İkinci Liqanın 11-ci turunun oyunları ilə bağlı bəzi qərarlar qəbul edilib.

Arena.az AFFA-nın rəsmi saytına istinadən həmin qərarların siyahısını təqdim edir:

İkinci Liqa, 11-ci tur

“Ağstafa Gəncləri” – “Difai” oyununda “Ağstafa Gəncləri” matçın ilkin protokolunu elektron sistemdə gec təsdiq etdiyinə görə Ağstafa komandası 150 manat cərimə edilib.

“Zəngəzur” – “Hypers” oyununda “Hypers”də 6 nəfər sarı vərəqə aldığı üçün sözügedən komanda 70 manat cərimə edilib.

“Kür-Araz” – “Qaradağ Lökbatan” oyunu Təcili Tibbi Yardım avtomobilinin olmaması səbəbindən gec başladığına görə “Kür-Araz” komandası 200 manat cərimə edilib.

“Dinamo” – “Şəmkir” oyunu “Dinamo”nun formasında problem olması səbəbindən gec başladığına görə sözügedən komanda 150 manat cərimə edilib. “Şəmkir”in 5 futbolçusu sarı vərəqə aldığı üçün “Şəmkir” 70 manat cərimə edilib.

Xəbəri paylaş:
Bizi sosial şəbəkələrdə izləyin: