Futzal üzrə Azərbaycan çempionatının (Yüksək Liqa) 2026/2027-ci illər mövsümündə iştirak edəcək bütün komandalar dəqiqləşiblər.
Arena.az xəbər verir ki, turnirdə 10 komanda mübarizə aparacaq.
Bunlar “Araz-Naxçıvan”, “Yasamal Bakı”, “Rəvan”, “Atidel Ordubad”, “Şuşa”, “Marafon”, “Xankəndi”, “Baku Fire”, “Neftçi” İK və “İmişli” klublarıdır.
Birinci Liqada isə “Baku”, “Ulduz”, “İçərişəhər”, “Star karqo”, “Xan Lənkəran”, “Timsport”, “Baku Fire-1”, “Metropoliten”, “Xəzər”, “Neftçala” və “Finans” komandaları iştirak edəcəklər.
Xatırladaq ki, ötən mövsüm Yüksək Liqa “Araz-Naxçıvan” komandasının çempionluğu ilə başa çatmışdı.


