“Arsenal”ın fransız sabiq yarımmüdafiəçisi Emmanuel Peti “topçular”ın 2023/2024-cü illər mövsümündəki çıxışını qiymətləndirib.
Arena.az GFFN dərgisinə istinadən, Petinin bu barədə fikirlərini təqdim edir:
“Son turda qəniməti itirməsinə rəğmən, Artetanın işindən və mövsümündən çox razıyam.
Mən nəsillərimizi müqayisə edə bilmərəm, çünki mümkün olan hər şeyi müqayisə etməliyəm. Məsələn, bu “Arsenal” komandası 10 ildən sonra xatırlanacaqmı? Çox vaxt “gözəl uğursuzlar” olur, bu “Arsenal” isə – “yaxşı uğursuzlar”dır. Bununla belə, onların yaxşı qalib olmalarına üstünlük verərdim.
Sübut nöqteyi-nəzərindən nümunə: dörd mövsümdə dördüncü qənimətini qazanmış “Mançester Siti”. Bu hadisə tarixidir. Onları, yəqin ki, Premyer Liqanın indiyə qədər malik olduğu ən yaxşı komanda kimi xatırlayacağıq. Deməli, iyirmi, otuz, əlli ildən sonra insanlar onları bu nailiyyətlərinə görə xatırlayacaqlar. “Arsenal” əla mövsüm keçirsə də, üzr istəyirəm, amma on ildən sonra heç kim onları xatırlamayacaq”, deyə Emmanuel Peti İngiltərə klubunu tənqid edib.
Xatırladaq ki, “Arsenal” 2023/2024-cü illər mövsümünü İngiltərə Premyer Liqasının gümüş mükafatçısı olaraq başa vurub. “Topçular” 2022/2023-cü illər mövsümünü də Premyer Liqanın 2-ci pilləsində bitirmişdilər.
“Mançester Siti” isə ardıcıl dördüncü mövsümdə İngiltərə Premyer Liqasının çempionluğunu qazanıb və bu, yarışın tarixində mütləq rekorddur.
