Braziliyalı dayaq yarımmüdafiəçisi Fabinyo “Liverpul”dan ayrılmağa yaxındır. Arena.az bu barədə “The Athletic”ə istinadən məlumat verir.
Mənbənin məlumatına görə, Fabinyo “Liverpul”un Almaniyadakı toplanışını buraxacaq. Eyni zamanda Səudiyyə Ərəbistanının “Əl-İttihad” klubu braziliyalı yarımmüdafiəçi üçün “Liverpul”a 40 milyon funt-sterlinq təklif edib.
Müqavilə baş tutsa, “Liverpul” yeni dayaq yarımmüdafiəçisinin axtarışlarına baş vuracaq. Bununla yanaşı, digər ərəb klubu “Əl-İttifaq”ın maraq dairəsində olan “qırmızılar”ın kapitanı Cordan Hendersonun hələlik “Liverpul”da qalacağı bildirilir. Hendersonun gələcəyi ilə bağlı qərar daha sonra veriləcək.
“Foot Mercato”nun jurnalisti Santi Auna bildirib ki, 29 yaşlı Fabinyo “Əl-İttihad”la 3 illik müqavilə imzalayıb.
Fabinyo “Liverpul”a 2018-ci ildə keçib və “qırmızılar”ın heyətində ümumilikdə 219 qoyuna çıxıb, 11 qol vurub, 10 məhsuldar ötürmə verib.
“Transfermarkt” internet-portalı Fabinyonu 42 milyon avro məbləğində qiymətləndirir.
