Çexiya yığmasının baş məşqçisi İvan Haşek AÇ-2024-ün qrup mərhələsinin 1-ci turunda Portuqaliya yığması ilə qarışıdakı oyundan danışıb.
Arena.az UEFA-nın mətbuat xidmətinə istinadən, çex mütəxəssisin bu barədə fikirlərini təqdim edir:
“Portuqaliya yığmasının oyunçuları dünyanın ən yaxşı klublarında oynayırlar, onlar ulduzdurlar və oyuna favorit kimi girəcəklər, amma biz qalib gəlmək istəyirik. Biz Kristiano Ronaldonun nə demək olduğunu bilirik. Amma oyundan sonra, ona qarşı oynadıq və qalib gəldik, deməyimizi istəyirəm.
Bununla belə, söhbət təkcə Kristiano Ronaldo və Bruno Fernandesdən getmir. Həmçinin Bernardo Silva, Rafael Leao və bir çox başqaları var. Onların komandasında həm hücumda, həm də müdafiədə keyfiyyətli oyunçular var. Biz onları qiymətləndirməyə göz yummayacağıq, onların səviyyəsinin fərqindəyik, amma diqqətimizi komandamıza yönəltmək istəyirik”, deyə Haşek bildirib.
Xatırladaq ki, Avropa çempionatının “F” qrupunda yer almış Portuqaliya və Çexiya yığmalarının oyunu bu gün, iyunun 18-də Leypsiqin “Red Bull Arena” stadionunda keçiriləcək. Qarşılaşmaya Bakı vaxtı ilə saat 23:00-da start veriləcək.
