Fransa milli komandasının sabiq hücumçusu Kevin Qameyro İspaniyanın “Valensiya” klubundan ayrılıb. Arena.az xəbər verir ki, 34 yaşlı futbolçu bundan sonra Fransanın “Strasburq” klubunun uğurları üçün çalışacaq.
Bu barədə Liqa 1 təmsilçisinin rəsmi saytı məlumat yayıb. Təcrübəli futbolçu ilə 2 illik müqavilə imzalanıb. O, yeni komandasında “9” nömrəli formanı geyinəcək.
Fransalı hücumçu peşəkar futbolçu karyerasına məhz “Strasburq”da başlayıb. O, 2005-2008-ci illər aralığında bu klubun uğurları üçün çalışıb.
Kevin Qameyro karyerası ərzində Fransada “Loryan”, PSJ, İspaniyada “Sevilya”, “Atletiko” kimi klublarda da çıxış edib. O, Fransa milli komandasında 13 oyuna 3 qol vurub. Təcrübəli oyunçu karyerası ərzində bütövlükdə 609 matçda 214 qola imza atıb.
