Fransa millisinin hücumçusu Kilian Mbappe zədələndiyi üçün yığmanın düşərgəsini tərk edərək “Real”ın düşərgəsinə qayıdacaq.
Arena.az xəbər verir ki, bu barədə Fransa millisinin baş məşqçisi Zinəddin Zidan jurnalistlərə açıqlamasında bildirib.
Qeyd edək ki, Fransa millisi UEFA Millətlər Liqasının qrup mərhələsinin ilk turunda Türkiyəni 1:0 hesabı ilə məğlub edib. Qarşılaşmada yeganə qolu Mbappe vurub. Daha sonra futbolçu zədə səbəbindən əvəzlənməsini istəyib.
“İşlər yaxşı getmir. Düşünürəm ki, o, “Real”ın düşərgəsinə qayıdacaq. Risk etməyəcəyik”, – deyə Zidan bildirib.
27 yaşlı Kilian Mbappe 2018-ci ildə Fransa millisinin heyətində dünya çempionu olub, 2022-ci ildə isə mundialın gümüş medalını qazanıb. O, dünya çempionatları tarixində 22 qolla rekordçudur.
Mbappe cari mövsümdə “Real”ın heyətində 8 oyuna çıxıb, 8 qol vurub və 2 məhsuldar ötürmə edib.
