Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 5-ci turuna start veriləcək.
Arena.az xəbər verir ki, ilk oyun günündə iki qarşılaşma baş tutacaq.
Tura Tovuzda start veriləcək. Burada lider “Turan Tovuz” “Səbail”i qəbul edəcək. Matçı Rəşad Əhmədov idarə edəcək.
İlk 4 turda cəmi bir oyunda xal itirmiş “Turan Tovuz” hazırda 10 xalla zirvədə qərarlaşıb. “Səbail” isə 2 məğlubiyyət və 1 heç-heçənin ardından yalnız ötən tur “Kəpəz”ə qalib gələ bilib. Bu üzdən “dənizçilər”in Tovuzdan xalla qayıtması çətin görünür.
“Turan Tovuz”la “Səbail” daha öncə 8 oyunda qarşılaşıblar. Tərəflər bu oyunlarda hərəyə 2 qələbə qazanıblar, 4 qarşılaşmada isə qalib müəyyənləşməyib. “Turan Tovuz” bütün oyunlarda qol vurub. Son 7 matçda hər iki komanda qol sevinci yaşayıb.
Günün digər oyunu “Sumqayıt”la “Araz-Naxçıvan” arasında baş tutacaq. Bu görüşdə Cavid Cəlilov söz sahibi olacaq.
“Sumqayıt” hazırda 6 xalla 5-ci sırada qərarlaşıb. “Araz-Naxçıvan” isə 3 oyuna (biri təxirə salınıb) topladığı 4 xalla 8-cidir.
“Sumqayıt” daha öncə 4 dəfə qarşılaşdığı “Araz-Naxçıvan”a heç vaxt uduzmayıb – 2 qələbə, 2 heç-heçə. “Sumqayıt” həm də evdə qol buraxmayıb və xal itirməyib.
Premyer Liqa
5-ci tur
30 avqust
“Turan Tovuz” – “Səbail”
Hakimlər: Rəşad Əhmədov, Rəhman İmami, Cəmil Quliyev, Rəvan Həmzəzadə.
VAR: Elçin Məsiyev.
AVAR: Asiman Əzizli.
Hakim-inspektor: Asim Xudiyev.
AFFA nümayəndəsi: Asif Əliyev.
Tovuz şəhər stadionu, 17:45.
“Sumqayıt” – “Araz-Naxçıvan”
Hakimlər: Cavid Cəlilov, Müslüm Əliyev, Kamran Bayramov, Kamran Əliyev.
VAR: Kamal Umudlu.
AVAR: Namiq Hüseynov.
Hakim-inspektor: Ramil Diniyev.
AFFA nümayəndəsi: Namiq Əliyev.
Mehdi Hüseynzadə adına Sumqayıt şəhər stadionu, 20:00.
31 avqust
“Şamaxı” – “Neftçi”
Hakimlər: Əliyar Ağayev, Zeynal Zeynalov, Akif Əmirəli, Elvin Bayramov.
VAR: Rauf Cabbarov.
AVAR: Vüsal Məmmədov.
Hakim-inspektor: Orxan Məmmədov.
AFFA nümayəndəsi: Elman Musayev.
Şamaxı şəhər stadionu, 17:00.
“Kəpəz” – “Sabah”
Hakimlər: Nicat İsmayıllı, Eyyub İbrahimov, Şirmamed Mamedov, Rəvan Həmzəzadə.
VAR: Rauf Allahverdiyev.
AVAR: Elşad Abdullayev.
Hakim-inspektor: Rəhim Həsənov.
AFFA nümayəndəsi: Rüfət Əmirov.
Tovuz şəhər stadionu, 19:30.
1 sentyabr
“Zirə” – “Qarabağ”
Hakimlər: İnqilab Məmmədov, Namiq Hüseynov, Rahil Ramazanov, Əli Əliyev.
VAR: Tural Qurbanov.
AVAR: Teymur Teymurov.
Hakim-inspektor: Ömər Paşayev.
AFFA nümayəndəsi: Erkin Hüseynov.
Zirə İdman Kompleksinin stadionu, 20:45.
