Bu gün futbol üzrə İngiltərə çempionatında (Premyer Liqa) 2023/2024 mövsümünün 11-ci turunun oyunlarına start verilib.
Arena.az xəbər verir ki, ilk oyun günündə yeddi qarşılaşma baş tutub.
“Everton” – “Brayton” matçında tərəflər hərəyə 1 qol və 1 xalla kifayətləniblər.
“Brentford” “Vest Hem”i, “Şeffild Yunayted” də “Vulverhempton”u məğlub yola salıb. “Börnli” isə doğma meydanda “Kristal Pelas”a 2 cavabsız qolla məğlub olub.
Səfərdə “Nyukasl”la qarşılaşan “Arsenal” bu mövsüm ilk dəfə məğlubiyyət acısı yaşayıb. “Fulhem”in qonağı olan “Mançester Yunayted” isə turu 3 xalla başa vurmağı bacarıb. Mançesterin digər təmsilçisi, son çempion “Mançester Siti” isə “Bornmut”la ev oyununda 3 xalı 6 qolla bayram edib.
Turun qalan qarşılaşmaları 5 və 6 noyabrda baş tutacaq.
İngiltərə, Premyer Liqa
11-ci tur
4 noyabr
Fulhem – Mançester Yunayted 0:1
Qol: B.Fernandes, 90+1.
Brentford – Vest Hem 3:2
Qollar: Maupay, 11. Mavropanos, 55-öz qapısına. Kollinz, 69 – M.Kudus, 19. Bouen, 26.
Börnli – Kristal Pelas 0:2
Qollar: Şlupp, 22. Mitçell, 90+4.
Everton – Brayton 1:1
Qollar: Mikolenko, 7 – E.Yanq, 84-öz qapısına.
Mançester Siti – Bornmut 6:1
Qollar: Doku, 30. B.Silva, 33; 83. Akanci, 37. Foden, 64. Ake, 88 – Sinisterra, 74.
Şeffild Yunayted – Vulverhempton 2:1
Qollar: Arçer, 72. Norvud, 90+10 – Belleqarde, 89.
Nyukasl – Arsenal 1:0
Qol: Qordon, 64.
5 noyabr
18:00. Nottingem Forest – Aston Villa
20:30. Luton Taun – Liverpul
6 noyabr
00:00. Tottenhem – Çelsi
