Azərbaycan komandası üçün Tokio-2020 Yay Olimpiya Oyunları başa çatıb. Arena.az xəbər verir ki, ölkəmiz bu Olimpiadanı qızıl medalsız başa vurub.
Antirekord 25 ildən sonra təkrarlanıb. Azərbaycan sonuncu dəfə 1996-cı ildə qızıl medal qazana bilməmişdi. Həmin vaxt yeganə medalı sərbəst güləşçi Namiq Abdullayev qazanıb. O, gümüş medala sahib olub.
Qeyd edək ki, Tokioya yollanan Azərbaycanın 44 idmançısından yeddisi medal qazana bilib. Bunlardan üçü gümüş, dördü isə bürünc medaldır.
Medal qazanan idmançılarımız bunlardır:
Cüdo: İrina Kindzerska (+78 kq) – bürünc
Boks: Alfonso Dominqes (81 kq) – bürünc
Yunan-Roma güləşi: Rafiq Hüseynov (77 kq) – bürünc
Karate: Rafael Ağayev (75 kq), İrina Zaretska (+61 kq) – hər ikisi gümüş
Sərbəst güləş: Hacı Əliyev (65 kq) – gümüş
Qadın güləşi: Mariya Stadnik (50 kq) – bürünc
Qeyd edək ki, Tokio-2020 Yay Olimpiya Oyunlarına sabah yekun vurulacaq.
