Özbəkistanda təlim-məşq toplanışında olan 19 yaşadək qadın futbolçulardan ibarət Azərbaycan millisi (U-19) burada iki yoxlama oyunu keçirib.
Arena.az xəbər verir ki, yığmamız U-19 Özbəkistanın müvafiq yaş qrupundan ibarət komandası ilə qarşılaşıb.
Paytaxt Daşkənddə baş tutan ilk matçda meydan sahibləri 7:0 hesabı ilə qalib gəliblər. Bu gün baş tutan oyunda da özbəklər 89-cu dəqiqədə penaltidən vurulan qol sayəsində 1:0 hesablı qələbə qazanıblar.
Qeyd edək ki, oktyabrın 18-dən Özbəkistanda olan millimiz ayın 24-nə qədər paytaxt Daşkənddə təlim-məşq toplanışı keçəcək.
Milliyə dəvət olunan futbolçuların adlarını diqqətinizə çatdırırıq:
- Mehriban Şahməmmədova – Neftçi
- Güləsər İsmayılova – Gömrükçü
- Aydan Əkbərova – Baku Juniors
- Aysel Ziyadova – Qəbələ
- Ülviyyə İslamova – İnter Xaçmaz
- Pərişan Abdullayeva – Baku Junior
- Səma Həsənli – Qəbələ
- Vahidə Əlipaşayeva – Baku Juniors
- Fatimə Əhmədova – Baku Juniors
- Aydan Həsənova – Neftçi
- Məsumə Nəzərli – Neftçi
- Röya Əliyeva – Baku Juniors
- Mədinə Curuqova – Sabah
- Şəkər Piriyeva – Vere (Gürcüstan)
- Aysu Murtuzayeva – Neftçi
- Aysel Cumayeva – Balxurma
- Lalə Abbaszadə – Neftçi
- Sevda Heydərli – Sabah
- Günel Muradova – Qəbələ
