Azərbaycanı Çelenc Kubokunda təmsil edən kişi voleybolçulardan ibarət “Xarı Bülbül” (Şuşa) komandası bu gün turnirdə növbəti oyununa çıxacaq.
Arena.az xəbər verir ki, təmsilçimiz 1/32 final mərhələsində Slovakiyanın “Spartak” (Miyava) kollektivi ilə mübarizə aparır.
Tərəflər arasında ötən gün baş tutan ilk oyunda Azərbaycan təmsilçisi tarixi qələbə qazanıb – 3:0. Klublar arasındakı qarşılıqlı razılığa əsasən, hər iki oyun Bakıda keçirilir. Bugünkü qarşılaşmada rəqib meydan sahibi sayılacaq. Gənclər və İdman Nazirliyinin Voleybol Mərkəzində keçiriləcək oyuna saat 18:00-da start veriləcək. Azarkeşlər üçün zala giriş sərbəstdir.
Çelenc Kuboku
1/32 final
26 oktyabr
18:00. “Spartak” – “Xarı Bülbül”
Bakı. Voleybol Mərkəzi.
