Kristiano Ronaldo Portuqaliya millisinin məşqçilər korpusu tərəfindən UEFA Millətlər Liqasının qarşıdakı oyunları üçün yığmaya çağırılıb.
Arena.az xəbər verir ki, bu barədə Portuqaliya milli komandasının mətbuat xidməti məlumat yayıb.
41 yaşlı hücumçu qarşıdakı görüşlərdə də yığmasına kömək etməyə çalışacaq. Səudiyyə Ərəbistanının “Əl-Nəsr” klubunda çıxış edən Ronaldo Portuqaliya millisinin heyətində 233 oyun keçirib və 146 qol vurub.
Portuqaliya millisi sentyabrın 24-də Uelsi, oktyabrın 4-də isə Norveçi doğma meydanda qəbul edəcək. Komanda sentyabrın 27-də Norveçin, oktyabrın 1-də isə Danimarkanın qonağı olacaq.
Xatırladaq ki, Kristiano Ronaldo karyerası ərzində 5 dəfə “Qızıl top”un, 5 dəfə UEFA Çempionlar Liqasının qalibi olub. O, Portuqaliya millisi ilə Avropa çempionatını və iki dəfə UEFA Millətlər Liqasını qazanıb. Hücumçu milli komandalar, Avropa çempionatları, Çempionlar Liqası və klublararası dünya çempionatları tarixində qol rekordlarına sahibdir.
Ronaldo 2022-ci ilin dekabrından “Əl-Nəsr”də çıxış edir. O, karyerası ərzində “Sportinq”, “Mançester Yunayted”, “Real” və “Yuventus” klublarının da formasını geyinib.
