“Mançester Yunayted”in baş məşqçisi Maykl Karrik İngiltərə Premyer Liqasının 5-ci turunda “Fulhem”lə heç-heçəni (1:1) şərh edib.
Arena.az xəbər verir ki, mütəxəssis komandasının qələbə qazanmaq üçün kifayət qədər qol vəziyyəti yaratdığını, lakin fürsətlərdən yararlana bilmədiyini bildirib.
“Fikrimcə, qələbə bizim olmalı idi. Bunun üçün kifayət qədər qol imkanımız var idi. Buraxdığımız qol qarşısını almağın çətin olduğu epizodlardan biri idi. Matç tamamilə fərqli ssenari ilə nəticələnə bilərdi. Oyunun sonlarında qələbə qazanmağa yaxın idik.
Matçın son dəqiqələrindəki çıxışımız müsbət məqamdır və bunu özümüzlə növbəti oyunlara aparmalıyıq. Rəqibin qapıçısı yüksək səviyyəli üç seyvlə yadda qaldı və bəlkə də matçın ən yaxşı oyunçusu oldu”, – deyə Karrik bildirib.
“Fulhem”in baş məşqçisi Alvaro Arbeloa isə “Mançester Yunayted”lə heç-heçədən sonra hakim qərarlarından narazılığını ifadə edib. İspaniyalı mütəxəssis komandasının qələbəyə yaxın olduğunu, lakin bəzi qərarların onların əleyhinə verildiyini düşünür:
“Qələbəyə çox yaxın idik, amma yenə də bir qədər bəxtimiz gətirmədi. Hakim çox sayda qərarı onların xeyrinə verdi. İlk qələbəmizə yaxın olduğumuz üçün məyusuq, amma yaxşı oyun keçirdik.
Komanda cəsarətlə oynadı, xarakter nümayiş etdirdi. İndi ilk qələbəmizi qazanmalıyıq. Qarşıda bizi vacib oktyabr ayı gözləyir. Belə oynamağa davam etsək, qələbələr gələcək”, – deyə Arbeloa bildirib.
