Futbol üzrə Azərbaycan millisinin hücumçusu Ramil Şeydayev Rusiyanın “Şoçi” komandasının “Ural”la səfər matçını buraxıb.
Arena.az xəbər verir ki, sözügedən komanda Birinci Liqanın 2026/2027-ci illər mövsümünün 16-cı turu çərçivəsində “Ural”la qarşılaşıb.
Doğma meydanda baş tutmuş görüş “Soçi”nin 0:2 hesablı məğlubiyyəti ilə yekunlaşıb. Ramil bu matçın sonunadək ehtiyatda qalıb.
“Soçi” 16 turdan sonra 32 xalla 2-ci pillədə qərarlaşıb. Sözügedən komanda bu oyunlarda 10 qələbə qazanıb, 2 heç-heçə edib, 4 məğlubiyyətə üzülüb. Ramil bu görüşlərdən 10-da iştirak edib.
Son olaraq Azərbaycanda “Qarabağ”ın formasını geyinmiş Şeydayev “Soçi”yə bu ilin yayında azad agent kimi qoşulub. Tərəflər arasında bağlanmış sözləşmə 2026/2027-ci illər mövsümünün sonunadək nəzərdə tutulub. Ramil yeni komandasında 7 nömrəli forma ilə çıxış edir.
Ramil Şeydayev karyerası ərzində “Zenit”, “Rubin”, “Krılya Sovetov”, Moskva “Dinamo”su (hamısı Rusiya), “Trabzonspor”, “Kocaelispor” (hər ikisi Türkiyə), “Jilina” (Slovakiya), “Buriram Yunayted” (Tailand), ölkəmizdə isə “Sabah” və “Neftçi”də çıxış edib.
30 yaşlı hücumçu Azərbaycan milli komandasında keçirdiyi 69 oyunda 10 qol vurub, 4 məhsuldar ötürmə verib.
