“Mançester Siti”nin mərkəz müdafiəçisi Mark Qehi zədə səbəbindən İngiltərə milli komandasının noyabr ayındakı toplanışından azad edilib.
Arena.az xəbər verir ki, 26 yaşlı futbolçu İngiltərə Premyer Liqasının son turunda “Nottingem Forest”ə 1:3 hesabı ilə uduzduqları oyunun ilk hissəsindən sonra əvəzlənib.
Mark Qehi zədə səbəbindən oyundan çıxmasını özü istəyib. Sonradan keçirilən müayinələr onun bu ay meydana çıxmasının mümkün olmayacağını göstərib.
İngiltərə Futbol Assosiasiyası Qehinin əvəzinə “Nyukasl”ın müdafiəçisi Den Börnü milli komandaya dəvət edib. 34 yaşlı futbolçu daha əvvəl İngiltərə millisində 11 oyun keçirib.
Qeyd edək ki, Tomas Tuxelin komandası noyabrda UEFA Millətlər Liqasında Xorvatiya və İspaniya yığmaları ilə qarşılaşacaq. İngiltərə Xorvatiya ilə noyabrın 12-də “Uembli”də, İspaniya ilə isə noyabrın 15-də Madriddə oynayacaq.
