Futbol üzrə İspaniya milli komandasının baş məşqçisi Luis de la Fuente gənc hücumçu Lamin Yamalın səhhəti ilə bağlı açıqlama verib.
Arena.az xəbər verir ki, 19 yaşlı futbolçunun UEFA Millətlər Liqasının qrup mərhələsinin son turunda İngiltərəyə qarşı keçiriləcək oyunda iştirak edib-etməyəcəyi ilə bağlı sualı cavablandıran De la Fuente Yamalın hazırda tam hazır olduğunu bildirib.
“Yamal tam bərpa olunub və əla vəziyyətdədir”, – deyə ispaniyalı mütəxəssis bildirib.
Qeyd edək ki, “Barselona”nın futbolçusu dizindəki problemlə əlaqədar UEFA Millətlər Liqasının əvvəlki turunda Çexiyaya qarşı keçirilmiş səfər oyununu (2:0) buraxmışdı.
İspaniya – İngiltərə qarşılaşması bu gün – noyabrın 15-də keçiriləcək. İspaniya qrup mərhələsində keçirdiyi 5 oyundan sonra 15 xalla liderdir. İngiltərə isə 12 xalla ikinci pillədə qərarlaşıb. Bu səbəbdən Madriddə keçiriləcək görüş qrup qalibi baxımından həlledici olacaq.
