Futbol üzrə Fransa çempionatında (Liqa 1) 11-ci tura yekun vurulub. Arena.az xəbər verir ki, sonuncu oyun günündə daha yeddi qarşılaşma baş tutub.
“Oser” – “Nitsa”, “Trua” – “Ayaçço” və “Monako” – “Klermon” matçında qalib müəyyənləşməyib.
“Tuluza” “Anje”ni, “Nant” “Brest”i, “Renn” isə Lion “Olimpik”ini məğlub yola salıb.
Turun mərkəzi matçında isə lider PSJ Marsel “Olimpik”i ilə üz-üzə gəlib. Paris təmsilçisi doğma meydanda minimal hesabla qalib gəlib.
11 turdan sonra PSJ 29 xalla vahid liderdir. 26 xala malik “Loryan” ikinci, 24 xalı olan “Lans” isə üçüncüdür. Marsel “Olimpik”i 23 xalla dördüncü, “Monako” 21 xalla altıncı, Lion “Olimpik”i isə 14 xalla onuncudur.
Fransa, Liqa 1
11-ci tur
14 oktyabr
Strasburq – Lill 0:3
Qol: David, 41-pen; 76. Kabelya, 80.
15 oktyabr
Loryan – Reyms 0:0
Lans – Monpelye 1:0
Qol: Said, 68.
16 oktyabr
Tuluza – Anje 3:2
Qol: Deyager, 10. Van den Bomen, 40. Spirinqs, 67 – Bentaleb, 33. Salama, 90+2.
Oser – Nitsa 1:1
Qol: Da Kosta, 42 – Delor, 20.
Nant – Brest 4:1
Qol: Simon, 35-pen. Qanaqo, 36. M.Məhəmməd, 71. Sissoko, 88 – Fadiqa, 18.
Renn – Olimpik (Lion) 3:2
Qol: Terrye, 38; 77. Quiri, 47 – Lakazette, 23; 72.
Trua – Ayaçço 1:1
Qol: Porozo, 76 – El İdrissi, 88.
Monako – Klermon 1:1
Qol: Embolo, 31 – Anriç, 53.
PSJ – Olimpik (Marsel) 1:0
Qol: Neymar, 45+1.
