Məşhur “Sotheby’s” hərrac evi əfsanəvi alman pilot Mixael Şumaxerin idarə etdiyi “Ferrari” F2001B yarış bolidini satışa çıxarıb.
Arena.az xəbər verir ki, hərrac avqustun 16-dan 19-dək keçiriləcək.
Söhbət yeddiqat dünya çempionunun 2002-ci ilin əvvəlində sürdüyü boliddən gedir. Hansı ki, bu bolidlə Şumaxer 2002-ci il mövsümünün ilk Avstraliya qran-prisində Xuan Pablo Montoya və Kimi Raykköneni qabaqlamış, iki həftə sonra isə Malayziya qran-prisində podiuma yüksələrək üçüncü yeri tutmuşdu. Maraqlıdır ki, bu, Ferrari tarixində 150-ci podium olub.
Xatırladaq ki, Mixail Şumaxerin digər bolidi, F2003-GA modeli 2022-ci ildə rekord qiymətə – 14,6 milyon dollara satılıb.
