“Qəbələ”nin 19 yaşadək futbolçulardan ibarət komandasının Yunanıstan “Olimpiakos”su ilə oyunlarının vaxtı və yeri müəyyənləşib.
Arena.az xəbər verir ki, Azərbaycan təmsilçisi UEFA Gənclər Liqasının Çempionlar yolunun 2-ci mərhələsində məhz Yunanıstan nəhəngi ilə qarşılaşacaq.
Artıq bu komandalar arasındakı oyunların vaxtı və yeri də məlumdur. Bu rəqibə qarşı noyabrın 8-də baş tutacaq ilk matç Qəbələ şəhər stadionunda təşkil olunacaq. İlk oyuna saat 16:00-da start veriləcək.
Cavab oyunu noyabrın 29-da Pireydə keçiriləcək. Matç “Olimpiakos” Məşq Mərkəzində baş tutacaq. Yunanıstandakı qarşılaşmanın start fiti Bakı vaxtı ilə saat 19:00-da veriləcək.
Xatırladaq ki, “Qəbələ” 1-ci mərhələdə Macarıstan təmsilçisi “Puşkaş Akademiya”nı mübarizədən kənarlaşdırıb – 1:1, 1:0.
