Futbol üzrə Azərbaycan çempionu “Qarabağ”ın, eləcə də “Neftçi” və “Sabah”ın dünya reytinqindəki yerləri müəyyənləşib.
Arena.az xəbər verir ki, Beynəlxalq Futbol Tarixi və Statistikaları Federasiyası (İFFHS) bu gün klubların yeni dünya reytinqini açıqlayıb.
403 komandadan ibarət siyahıya Azərbaycanın yenə 3 təmsilçisi düşüb. Ötən ay 61-ci yerdə qərarlaşan “Qarabağ” (131,5 xal) hazırkı reytinqdə 70-cidir.
“Neftçi” və “Sabah” klubları da geriləyiblər. “Ağ-qaralar” (58,75) 318-ci sıradan 340-a, “bayquşlar” isə (58,5) 302-ci mövqedən 342-ci pilləyə düşüblər.
Dünya reytinqinə İngiltərə Premyer Liqasının və UEFA Çempionlar Liqasının son qalibi “Mançester Siti” (296 xal) başçılıq edir. İspaniya təmsilçisi “Real” 288 xalla ikincidirsə, Misirin “Əl-Əhli” (244) komandası üçüncü yerə yüksəlib.
Sıralamada ilk 20 pillədə qərarlaşmış komandaların siyahısı belədir:
- Mançester Siti (İngiltərə) – 296
- Real (İspaniya) – 288
- Əl-Əhli (Misir) – 244
- İnter (İtaliya) – 241
- Palmeyras (Braziliya) – 212
- Fortaleza (Braziliya) – 211,5
- Portu (Portuqaliya) – 207
- PSV (Niderland) – 200,5
- Fiorentina (İtaliya) – 200
- Fluminense (Braziliya) – 199
- Flamenqo (Braziliya) – 196
- Bayer (Almaniya) – 195
- Roma (İtaliya) – 194,5
- Barselona (İspaniya) – 194
- San Paulo (Braziliya) – 190
- Bayern (Almaniya) – 187
- Mançester Yunayted (İngiltərə) – 184
- Feyenoord (Niderland) – 184
- Fənərbaxça (Türkiyə) – 183
- İnternasional (Braziliya) – 180
- Yuventus (İtaliya) – 178
- Leypsiq (Almaniya) – 177
- Sportinq (Lissabon, Portuqaliya) – 176
- Millonarios (Kolumbiya) – 175,5
- Botafoqo (Braziliya) – 174
- Sevilya (İspaniya) – 173,5
- Libertad (Paraqvay) – 172
- Napoli (İtaliya) – 169
- Braqa (Portuqaliya) – 168
- İndependiente (Kolumbiya) – 167,5
