Böyük Britaniya kralı III Karl (Çarlz Filipp Artur Corc) İngiltərə yığmasının baş məşqçisi Qaret Sautqeytə dəstək məktubu ünvanlayıb.
Arena.az xatırladır ki, ingilis mütəxəssisin çalışdırdığı İngiltərə yığması AÇ-2024-ün finalında İspaniya yığmasına 1:2 hesabı ilə məğlub olaraq, çempionluğu əldən verib.
“Cənab Qaret Sautqeyt, bu axşan qələbə sizdən yayına bilsə də, həyat yoldaşım, mən və ailəmin qalan hissəsi sizi və dəstək dəstənizi başınızı dik tutmağa səsləyirik.
İstənilən səviyyədə idman tədbirlərində iştirak etmiş hər kəs mükafatın bu qədər yaxın olduğu zaman, belə bir nəticənin hansı ümidsizliyə səbəb ola biləcəyini bilir və biz İspaniyanı təbrik edərkən belə, mənim səmimi üzüntülərimə qoşulacaqlar. Amma lütfən, bilin ki, Avropa çempionatının finalına yüksəlməklə əldə etdiyiniz uğur həqiqətən böyük nailiyyətdir. Bu, bu gün, həm də heç bir şübhəm yoxdur ki, bizi qarşıda gözləyən bir çox başqa zəfərlərdə “üç şir” üçün nərildəməyə davam edəcək bir millətin qürurunu daşıyan bir nailiyyətdir”, – kral ailəsinin mətbuat xidmətinin “X” sosial şəbəkə hesabı III Karlın məktubundan sitat gətirir.
Xatırladaq ki, Qaret Sautqeyt AÇ-2020 və AÇ-2024-də ardıcıl iki finalda məğlub olmaqla Avropa çempionatları tarixində antirekord müəyyənləşdirib.
