“Mançester Yunayted”in baş məşqçisi Ruben Amorim İngiltərə Premyer Liqasının 33-cü turunda “Vulverhempton”la ev oyununu şərh edib.
Arena.az “Mançester Yunayted”in rəsmi saytına istinadən, portuqal mütəxəssisin 0:1 hesablı məğlubiyyətlə bağlı açıqlamasını təqdim edir:
“Əgər oyunun məzmununa baxsaq, biz rəqibdən daha yaxşı idik, amma bu, əhəmiyyət kəsb etmir. Əgər qol vurulmursa, heç nə əhəmiyyət kəsb etmir. Əsas olan – nəticədir, xüsusən müvafiq məqamlarda. Biz çoxsaylı fürsətlərə malik idik, topa nəzarət edirdik və oyunun gedişini idarə edirdik. Hər şeyi bircə standart vəziyyət dəyişdi. Müvafiq surətdə məğlub olmaq çox xoşagəlməzdir”, deyə Amorim vurğulayıb.
33 oyundan 38 xalla “Mançester Yunayted” İngiltərə Premyer Liqasının yarış cədvəlinin 14-cü pilləsində qərarlaşıb. Bu, “qırmızı şeytanlar” üçün müvafiq yarışda tarixən pis nəticədir.
“Vulverhempton” isə qələbə nəticəsində xal hesabında “Mançester Yunayted”lə bərabərləşərək, 15-ci pilləyə yüksəlib.
Premyer Liqaya 79 xalla “Liverpul” başçılıq edir.
