“Barselona”nın və Danimarka millisinin müdafiəçisi Andreas Kristensen sol bud əzələsinin dartılması səbəbindən sıradan çıxıb.
Arena.az xəbər verir ki, Kataloniya klubunun mətbuat xidməti 30 yaşlı futbolçunun zədələndiyini açıqlayıb.
Andreas Kristensen İspaniya La Liqasının 7-ci turu çərçivəsində “Sevilya” ilə şənbə günü keçirilmiş oyunda xəsarət alıb. Klubun mətbuat xidməti futbolçunun dəqiq bərpa müddətini açıqlamayıb. Amma İspaniya mətbuatının məlumatına görə, danimarkalı müdafiəçinin təxminən 4-6 həftə yaşıl meydanlardan kənarda qalacağı gözlənilir.
Xatırladaq ki, “Sevilya” ilə səfər oyunu “Barselona”nın 3:1 hesablı qələbəsi ilə başa çatıb. Hazırda 21 xalı olan “Barselona” İspaniya çempionatının 2026/2027-ci illər mövsümünə ardıcıl 7 qələbə ilə başlayıb və hazırda 21 xalla turnir cədvəlinə vahid liderlik edir. Kataloniya təmsilçisi növbəti turda oktyabrın 10-da doğma meydanda “Xetafe”ni qəbul edəcək.
